نكت عراقيه | نكات عراقية | تحشيش

سألت المعلمة التلميذ شنو نستفاد من الديك؟قال:ناكل لحمه. قالت وبعد: قال التلميذ: ونستفاد من الريش نسوي مخدة. 

قالت: وبعد؟ قال: وبس.

قالت: لعد منو الحيوان الي يكعدك الصبح؟ قال : ابوية

اكو شباب لزموا هندي جان يشبعوه كتل وكلما يكتلوه هذا يشبع ضحك سألوة شبيك تضحك ؟؟؟ كال لان ادري هاي كاميرا خفية

واحد محشش راح للمطعم ساعة 2 جان يكلة لابو المطعم شعدكم كلة قفلنا المحشش كلة زين انطيني اثنين قفلنا واحد ببسي

محشش سأل اخوه انت وين مولود؟ كلة غير بالمستشفى كلة ليش جنت مريض

واحد ترك الصلاة ايام الامتحانات .. كال : اريد اعتمد على نفسي .

كردي بالامن لزم ارهابي.... وكع بيه دك بالصونــدة ويكله: ولك اعترف... جم مرة .فجرت نفسك؟؟؟؟

ولد سأل امه كلها ابويه ليش اكرع؟؟احتارت الام و كلتله هاي علامات الذكاء!كللها من هاي انتي شعرج طويل

واحد خبيث خالته جابت ولد( بدون أذان) أمه كالتله: روح سلم على خالتك وباركلها على الولد بس دير بالك تجيب طاري انه ابنها ( بدون أذان) لاتجرح مشاعرها وتكلب عليها المواجع. فراح الخبيث وبارك لخالته وكال : بس لازم تكثروله من عصير الجزر حتى لايضعف عنده البصر. خالته كالت: حتى لو ضعف البسه مناظر. كال: موهي هنا المشكله وين يعلكهة

طرق النساء في تنويم اطفالهن المصريه نام يا حبيبي نام/ السوريه نام يبعتلك حمى /اللبنانيه نام تقبرني/ الاوربيه سويت دريم/ البيبي العراقيه عووووو جاي حرامي ياخذك انطمر الله يلعن ابوك وياك

اغنيه عراقيه جديدة: طالعه من بيت ابوها رايحه لبيت الجيران طبكو عليها السلابه باكو حتى النعلان

واحد ايكول لابو بابا اني حلمت انه بسمار دخل ابرجلي كاله تستاهل علمود متنام حافي

مره اكو جني متلبس بواحد مصلاوي فالشيخ ديقره عليه ويكله اطلللللللع الجني شيكوله والله اني اريد اطلع بس خل ينطيني نعالي

حشاش راح لامريكا شاف شباب مكتوب على تيشيرتاتهم كوكا كولا فراح كتب على دشداشتة نومي بصرة

محشش شايل اريل بيده ويمشي بالشارع ليش ؟؟؟ يريد يصفي نيته

مدرس سأل طالب: لك ليش متأخر؟ جاوبه: أستاذ مو ابويه جان ديضرب اخويه بحذائي....!!!

اكو واحد محشش اشتغل بالحرس الوطني انطوه واجب كالواله حظر التجوال يبدا بالعشرة اذا اتشوف واحد بعد العشرة و يمشي كتله. الساعة بالتسعة شاف واحد يمشي كتله جوي جماعته كالواله هاي اشسويت بعد ساعة على حظر التجوال .كالهم ادري بس هذا بيته بعيد بعد ساعتين ميوصل

عاجل...عاجل.... نجا أبو بريعص من محاولة اغتيال فاشله بعد ان فتح مجهولون النار عليه بالشحاطات عندما كان متوجها من الحمام الى زاوية الشباك وتكون هذه المحاوله الثانيه لاغتياله بعد نجاته من ماسحه كانت مزروعه على جانب الطريق

ما هو اعراب الصرصور مرفوع بالجدار مضروب بالنعال ....

كردي شاف كشر موز بالشارع كال:أوهوووو..شلون شغله ؟ هم راح اتزحلك

..............................

واحد يصيد طيور ؟ سالوه ليش لابس بجامه ؟ قال علشان الطيور تحسبني نايم

..............................

 يصب لأبوه قهوه كاله أبوه شنو آخر أخبار النذاله كاله نص الدله ديتول

..............................

كردي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت

..............................

كردي طلّع الصوبه ليبرّه البيت.. كالوله ليش؟؟ كال : مو برّه أبرد من جوّه

..............................

كردي يسبح بالشط ويندعي: يا إلاهي لاتموتني لخاطر المره والجهال..صديقه سمعه كاله : لك

يامره ياجهال؟ إنته يمته متزوّج..الكردي غمزله وعض له شفـّه

..............................

كردي شاف كشر موز بالشارع كال:أوهوووو..شلون شغله ؟ هم راح اتزحلك

.............................. 

كردي وگع من جبل...صاح.إلحگوليييييييي..چيتوا الاكراد كلهم وراه

..............................

دليمي كال له أبوه روح إغسل وجهك راح يجونه خطار.كال وبلكي ما إجوا؟

..............................

دليمي حب يتغزل بمرته بالفراش كال الها :شايفه هذاك الكمر؟؟ كالت:إي.. كال :ريحة أباطاتج واصله يمّه

...............................

واحد لاخ هم كال لمرته شايفه الكمر ذاك؟ كالت نعم.. كال إببوكس واحد أوصلج يَمّه

..............................

دليمي أتصل بالأطفاء گاللهم:شنو إذا ماكو حريق منشوفكم يعني؟؟

.............................

دليمي راد يتعرف عله بنيّه كاللهه:شسمج؟ كالت:أسماء.. كال: أها..يعني مو إسم محدد؟؟

..............................

دليمي شاف المصلحه أم طابقين ببغداد واكفه..داخ.. كال ياساتر اشلون حادث رهيب..شصعّدهه

وحده عاللُخ ؟

..............................

دليمي شاف نافورات هواي ببغداد كال : حيل..!! شكثر بيهه بوريات طاكه

..............................

دليمي كال لجماعته: والله خدمات الحج بالسعوديه حيل محترمه وأنصحكم من تريدون تحجّون لا

تروحون غير للسعوديه

..............................

فيترجي اشتره جربايه ...نام جواهه وصاح على مرته: ناوشيني سبانه تلثطعش

..............................

دليمي كال لابوه: بابا خل نروح لحديقة الحيوانات ابوه كال له: لاتستعجل ابني فد جم يوم همه

يجون ياخذونه

..............................

دليمي اشتره تكسي.. بالشارع يصيحون عليه تكسي تكسي.. كاللهم عمي ادري والله ادري

..............................

مصلاوي دز ابنه على( 3 ) كرص خبز من رجع الابن كاله ابوه : بابا رجّع وحده امك ماتت

...............................

مصلاوي أحترك بيته دك عالأطفاء مره وحده وسد التلفون

.............................

تلاثة مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟

.............................

مدرس سأل طالب كردي گاله: أبوك شگد عمره گال ما أدري أستاد بس هوّه من زمان عدنه

.............................

أحكام المحششين.....
إذا خدعك مره واحد فأنهُ محتال وإذا خدعك مرتين فأنت قشمر
...على قدر لحافك مد رجليك واذا طلعن رجليك البس جواريب
الوقت كالسيف اذا لم تستعمله حطه بالبوفيه
الي يدري يدري و الما يدري زوج ..
الحجارة اللي ما تخاف منها ............هيه هم ما تخاف منك
عصفور باليد ..........حطه بالقفص




واحد راح للسوق اخذ ويا درنفيس ليش..............ديفحص الفلفل يشوفة حار لوبارد




لبنانية دزت لزوجهة مسج كالتلة اريد جبنة بيضة مثل وشك وعسل مثل دمك وسكرمثل شفتك وشطة مثل مشاعرك عراقية شافتهة وغارت منهة دزت رسالة لرجلهة كلتلة اريد بيتنجان مثل لونك وقرنابيط مثل كفشتك وبتيتة بكبر خشمك ولتتاخر لااحرك اهل اهلك 




اكو عربي وكردي ومعيدي صعدوا طيارة اجتي المضيفة كالت شنو الطلبات كل الكردي اريد عسل يا عسل وكل العربي اريد كيمر يا كيمر وكل المعيدي اريد حليب يا هايشة 




هيفاء وهبي سألت شيخ: شيخنا ممكن ابوسك؟ فقال لها : بنتي ليش هو فعل الخير يحتاج سؤال 




عراقي واكف على بير زمزم كال اخوان بلا جليكانات لا تخلونا نسويها فردي وزوجي 




محشش يحجي ويا مرته
حاضر يا حياتي
حاضر يا عمري
حاضر يا قلبي
حاضر يا روحي
..............................? ...
كَاله اخوه : أول مرة اشوفك تحجي ويا مرتك هيج ومن شوكت تحجي وياها بالطريقة هاي
رد عليه المحشش :لك اسكت صارلي اسبوعين ناسي اسمهة




كردي فتح معمل ثلج سماه معمل كاكا فرهاد لانتاج المياه اليابسة 




دليمي كَل لصاحبه سمعت بهذا اللي وكَع من عماره عاليه و 3 أيام يالله وصل للكَاع ؟ كَلله ومات ؟؟ كَلله شوف هذا الغبي يكَللي مات.. أكَلله 3 أيام لاأكل ولا شرب عجل شلون مايموت . 




اكو حرامية دخلو على بيت بي حجي و حجية كلو للحجية شسمج ؟ كالت حمدية...
كللولهه ما نكتلج اسمج نفس اسم امنا
كلو للشايب شسمك ؟كلهم جاسم .. بس يصيحولي حمدية !!! 




واحد دعمته سياره ومات ..صديقه راح يبلغ زوجته فخاف لا- - تنصدم ومهد الطريق للخبر..
كاللها: زوجج ضيع فلوسه بلقمار.. كالت: الله يضيع عمره .. كاللها: وباع البيت.. كالت: الله يضيع روحه.. كالها:وتزوج عليج هم ..كالتله: يارب يدخلوه عليه ميت.. كال: يله شباب جيبوه 




تونسي مع ليبي التونسي كال لليبي ياخي رائيسنا بعد 23 سنه يقول الان فهمت كاله اليبي انتم زين فهمكم احنا بعد 42 سنه يكول من انتم 




فد يوم وحده كاعد تحجي ويا ابن عمها على النت وهو لابسها وميجاوبها اخر شئ طفرت روحها جان اتكله على عنادك انا مصادقه اياد صاحبك وصارلنه سنتين علاقه ونسولف كل يوم للصبح ونطلع كل اسبوع .. فرد عليها وكللها . استلمي الاقوى منها ..... ابوج كاعد يمي .. 




كردي راح يشتري دوش كال لابو المحل عندك مكينة اتسوي المي مثروم؟ 




محشش ياكل فلافل وبيها عمبه كال للصاحبه ؟؟ كول بسم الله قبل الأكل المحشش كله ليش ؟ كله مو علمود الشيطان مياكل وياك المحشش كال هسه الشيطان ترك الناس إللي بماكدونالدز و هارديز و كنتأكي و جاي يأكل ويايه فلافل وبيها عمبه ؟؟ 




دليمي ماشايف سياره خمسه گير.. أشتره وحده گال: شنو فائدته الخامس.. گالوله من تريدهه تطير بدل خامس.. وره فتره ديمشي شاف حادث بنص الطريق.. گال: أيه.. إجه وكتك يالخامس. 

تحت شعار علسكم منكم وبيكم يسر مؤسسة متعدد القابليات

ان تعلن عن فتح شركة علاسين المتخصصه بتوصيل العلس

الى البيوت وباسعار رمزيه اعلس واحد واحصل على خمسطعش مجانا

عاجل: من قناة بيب بيب وخــــر: الممثل العراقي(جاك من بعيد)

يفوز بجائزة البطولة في مسابقة علاوي الحلة الكبرى عن فلم سيد الحواسم

واحد جان كاعد فى امان الله يقراالجريده فجاة زوجته

جت وضربتة بغطا الجدر على راسة طررررررررررخ الزوج قالها؟

شكو يا بنت الحلال ليش هيجي قالتلة شنو هاي الورقة

الى فى جيب بدلتك ومكتوب عليها سوسو؟؟ قالها يا بنت الحلال هذا

اسم الحصان الى بنشجعة. الزوجة صدكت وراحت لحالها!!

بعد اسبوع الزوج كاعد فى امان الله بيقرا الجريده وفجاة جت

زوجته وضربتة بغطتا الجدر على راسة طررررخ قالها

خير يا بنت الحلال شكو همين ؟؟ قالتلة حصانك عالتليفون!! 

عاجل عاجل عاجل نجا ابو بريص من محاولة اغتيال بعد

ان فتح النار علية مجهولين بالشحاطات عندما كان متوجها

من المرافق الى الشباك ...وتكون هذه المحاولة 2

لاغتياله بعد نجاته من ماسحة مزروعة على جانب الطريق 

الجعفري سال حارث الضاري كله شكد عمرك كله45

سنه ضحك الطلباني وكال اكبر من قندرتي بسنة

موبايل كربلاء من تتصل يطلعلك جاري اللطم واذا محصلت

يرد عليك السيد يقولك الرقم الذي طلبته اما ان يكون مغلقا

او خارج نطاق الحوزة ========

اما بالنسبة الى موبايل الرمادي من تتصل يطلعلك جاري الذبح

واذا محصلت يرد عليك ويكلك الشخص الذي طلبته اما ان

يكون مذبوحا او خارج منطقة العلس

فد يوم دليمي اشترى بنكه عاموديه

وداها للبيت كعد هو والجهال وشغل

ألبنكه ألبنكه كامت تفتر يمنى

ويسرة كال الدليمي دحج دحج تعرفنه واحد واحد

كردي سال صديقة كله شني معرفتك برونالدو ؟؟؟ گلة اسمة

صالح كال مو دائما اسمع المعلق يكول فاول لصالح رونالدو

مره العراق واليابان ومصر قررو

يصنعون فلم تايتانيك مصر كالت إحنا نحضر الممثلين

واليابان كالت احنه نصنع السفينة والعراق كال احنه نطفي الكهرباء

عصبي راح للخياط گلله: شوف...هذي قطعة قماش أرجع

عليهه بعد أسبوع ألگاك مفصلياهه قاط مو أرجع بعد أسبوع تگللي تعال بعد يومين ..

أرجع بعد يومين تگللي تعال باجر... أجيك ثاني يوم تگللي فد ساعتين.....

والأحسن جيب قماشي وأنعل أبوك لابو اليخيط عندك

فد يوم واحد سئل صاحبة كلة ليش شعرك اسود

او شعر اخوك اصفر كلة امي جابتني كبل لا تصبغ شعرها

واحد لزموه عصابه ورادو يعرفوه سني لو شيعي كلوله

انت منين كال عراقي كلوله منين من العراق كال من الانبار

وساكن بالنجف وولادتي بدهوك كلوله زين شسمك كال اسمي

محمد علي عمر البرازاني كلوله انت شتحب كال احب الله

ورسوله والصحابه وكلوله شتشوف يا قناة كال العراقية

الزوراء الجزيرة الفرات وكلوله شتشرب كال بطل ماء

نص بطل من الفرات ونص بطل من دجله

مصلاوي ذبح خروف سوا اللحم كباب والارجل باجة والجلد سجادة والامعاء سماد

والعظام طحنها علف للدجاج وحتى صوت الخروف خلاه نغمة للموبايل

ولد عمره عشر سنين كاعد و دك بجي و عوي اجا عليه ابوه كله ها بابا شبيك

شكو شصاير كله : بابا اني لمن يكبرون اصدقائي ويامن راح العب

محشش راح للدكتور يشتكي انه كل مانام ‏ يحلم بالبزازين يلعبون طوبه. قاله الدكتور :

لاتنام يومين .. قال المحشش : مااقدر لان باجر يلعبون على النهائي

اللهجه العراقيه حلوه و مو من السهل على بعض الدول العربيه فهمها عدكم هل كلمات

صدك اتموت ضحك: اشطح/طرن/زعطوط/دثو/ططووو/سليمه التكرفك/عمه بعينك/شحاطه/

جمجه/توتي/دفره/اغاتي/تاج راسي/شلولو/دوشك/لنكه/ماصوله/قندرجي/وخر/بروح اهلك/جفجير/

زقنبوت/بلوعه/دماغ سز/لوكي/لوتي/لواته/مطيرجي/ابو الدروب/خاشوكه/دعبله/جر/عطل/حديقه/

اطفر/اشلع/ولى/مرغلنى/مال الثول/يا طايح الحظ/غلس/معفن/اكرع/صدقه/مصخم

فد مرة واحد لكه الفانوس السحري فحكه ,طلعله المارد وكله شبيك لبيك فكله الرجال :

أريد تبنيلي جسر من العراق لكندا كله المارد :حييييييل ,شطوله أطلب فد شي معقول ..

فكله الرجال :زين لعد أريد تتحسن أوضاع العراق !!!!!! فكله المارد رأسا : أغاتي الجسر

تريده سايد واحد لو سايدين

الياهو : بشرى سارة ستقوم شركة ياهو بتقديم حصة تموينية : جيس جبن اصفر :

نص كيلو لبلبي : دبس : تنكة دهن مراكش : جواريب شتوية : قوطية دعابل وطنابل وفرفوري

... انشرها لعشره اشخاص وستنفجر عبوه ابيتكم

اكو واحد محشش بنه بيت خله بي 3 مسابح اجه صديقه خطار كله هاي شدعوه 3 مسابح

كاله المحشش شبيك واحد للمي البارد و واحد للمي الحار جان ايباوع صديقه شاف واحد

فارغ كاله وهذا ليش فارغ كاله هذا اخاف واحد ما يريد يسبح

شسويلك اگص من گلبي واشويلك ** شسويلك ** ازور الكعبه وادعيلك ** شسويلك **

اطب بحضرة المختار اصليلك ** شسويلك ** اصير امك والوليلك ** شسويلك **

احن بليل وابچيلك ** شسويلك ** اريد اكتب رساله شوق يمكن ما توافيلك ** شسويلك

خبر عاجل .. الرئيس الامريكي جورج بوش يطالب بجدول زمني لانسحاب الشعب العراقي من العراق

محشش اشتره ستلايت كالتله امه منين جبت فلوسه كللها بعت التلفزيون

عشره كراد سوو مظاهره عالامريكان لبسو واحد منهم ملابس بوش وحرقوه

المعجزات السبع: بيت مابي  .استمرار الكهرباء.ماي يصعد بدون

ماطور.شارع مابي طسة. مجاري مقبقة. عرس مابي طلقات. يوم مابي انفجارات

اتمنى روحي تصير غيمه وتجيكم وانزل مطر بلبيت من شوكي ليكم

ناذر للوطن عمري وابيع الروح بارخص لو نزل سوكه طابوكه شتريت وما خذت دبدوب خفت يوم الوطن يحتاج طابوكه

محشش خابر على وزارة الدفاع شالوا التليفون كالوا الدفاع اتفضلوا كلهم انطوني الكولجي

مرة خطيب شرب شريط كبسول وراح للخطبة ورة الخطبة راحو جماتعة للبيت كالولة انت اليوم شكد كذبت كالهم ليش كالو كلت

م بدر صارت قصف طيارات مشيناها كلت صلاح الدين الايوبي ضرب القدس كيمياوي مشيناها بس مال ابو جهل باع بلال

الحبشي بخمس ملايين لبرشلونة هاي شلون؟؟؟

محشش يشتغل بالكهربائيات جتي عليه وحده تكوله جرس البيت عاطل..كلها باجر اجي اصلحها ..رجعت عليه مره لخ كلتله اشو

مجيت ..كلها اجيت ودكيت الجرس بس محد مطلع

واحد متدين امة سالتة شلون تريدها العروستك ؟ قال" اريدها و العياذ بالله و العياذبالله تشبه اليسا

الياهو : بشرى سارة ستقوم شركة ياهو بتقديم حصة تموينية : جيس جبن اصفر : نص كيلو لبلبي : دبس : تنكة دهن مراكش

: جواريب شتوية : قوطية دعابل وطنابل وفرفوري ... انشرها لعشره اشخاص وستنفجر عبوه ابيتكم

كردي ديشتغل بمعرض السيارات كلوله منو اول واحد ركب بطة؟؟؟؟ كال : نيلز

قصصة عراقية وعربية واجنبية

وممثلين فاشلين

قصة حياة فنان فاشل..العفو راحل

ولد الفنان المقموع المرحوم الذي ينقرط قرط سعدي الحلي في سنة 1900ق.م في حضن امه بعد ان كان حينها الوالد مجهول الهوية عليه آثار تعذيب

وعاش في كنف امه في شارع دل على الفن الاصيل..في درابين الكمالية

وترعرع وتجربع وتصـعصع مع خوالة عليوي ابو زركة..ومحيسن ابو كفشة

الى ان اكتفشه عذرا اكتشفه واحد ملعون والدين لاذمة ولاضمير وانتشله من مزبلته التي جان عايش فيها

وجان يحن لايام شوارعه دائما ومن اقوالهالمأثورة التي تظاهي أقوال وليم شكبير

((خشمي عايش ببغداد وروحي ساكنة البصرة)) متفق عليه.

وجان المرحوم أبا خالد معروف بفرقته الموسيقية الفريدة من نوعها في العالم العربي حيث تحمل في طياتها أجمل كيكية بغداد والمحافظات ابتداءا من اللي يلم فلوس التكييتات الى عازف العود والقانون (موقانون ادارة الدولة) القانون مال سعدي الحلي

وقد نال أبا خالد العديد العديد من الألقاب الشهيرة ومنها

مطرب الطرق الخارجية

مطرب جلسات البيك والمزة

مطرب القرى والأرياف

مطرب المزارع والحقول

مطرب الحزب وثوار تموز والقيادة

أبو الحلوين

كافي الصفحة متكفي كل القاب سعدي الحلي

كولو بالاخير صارت بيه جلطة من الشرب والعرك

ومتجحطل ومسنفر ومات في عز شبابه وعمره لم يتعدى ال90

معاناة عاشق عراقي

سولفولي عنج هواي رمز للحب والوفاء

ولمن جيت وردت اشوفج طفت عدنه الكهرباء

ليش تطفه الكهرباء؟! ... ليش تطفه الكهرباء؟!

زاعلت كل التيوله ... وسوله صارت بيه سوله

اجيت وردت اعلك الجوله ... لكيت ما بيهه فتيله ... ومنين اجيب لكلبي حيله ... وهم اعله صدري ياهو اليشيله ... اه من هاي الجميله الي اجت خطار عدنه لا هيه بتنه ولا بت عمنه ولا هيه من دمنه ولحمنه او صار في ظهري انحناء ولمن جيت وردت اشوفج طفت عدنه الكهرباء.

قال قيس في مدح خشم حبيبته ليلى ...

خشمج يا بعد جلواي شو جنة كبة خل تعتقد بيهِ الناس الشيعة و الصبة

خشمج جبل حمرين شكد كلف ملكاه اربع فـــــــرق بي ونص معسكر تاه

خشمج بيه زروف اثنين بكد الانفاق فتحـــــوا مدارس بيه والباقي اسواق 

خشمج بنص تموز اكبر خشم فــــاز سووا نصب بيه والشعلة من غــــاز

خشمج يابعد الروح شو جنه رمان بس تتزحلك عليه توصل للعـــــمان

خشمج جبل سنجار منترس طسات لوري انكلب بيه والباقي ما فـــــــات

***************

صناعة الأفـــــــــــلام

فلم اجنبي

سيارة مسرعة تصدم كلب إمرأةعجوز

يصاب الكلب تتصل العجوز بـ 911 ــ

ثلاثة سيارات شرطة تطارد سيارةالمشبوه التي تنطلق بسرعة

يراوغ المشبوه من سيارات الشرطة .... يطير فوق سيارةالشرطة الأولى فتصدم باص طلاب مدارس

يسبح تحت سيارة الشرطة الثانية فتسقط بالنهر وتغرق

بقيت سيارة واحدة ... إنها تستمر بالمطاردة

يطلق الشرطي المقدام النار على عجلات سيارة المشبوه ... فتنفجر العجلة لتنقلب سيارة المشبوه ثم ترتطم بمحطة للوقود ........ بوم .... نال المشبوه جزاءه ومات حرقاً

النتيجة = تضرر باص مدرسة وسيارة الشرطة الأولى وموت تلميذ + غرق الشرطيين

وسيارتهما + موت المشبوه وحريق بالمحطة + وقبلة في النهاية بين اثنين ليس لهما أي علاقةبالموضوع

فلم مصري"بحبك يا زيزي " _ " بحبك يا حنفي بس لازم شقة لوحتى أوده واحدة كفاية"

حنفي بالشركة تعرض عليه رشوه ويقول : " أنا ما أبعش ضميري "

العصابة تلاحق حنفي وتبدأ المطاردات

أصوات تشحيط عجلات السيارات وهيتمشي بسرعة 10 كيلومتر

حنفي يموت قائلاً العبارةالشهيرة : ــ

" أتـلـتـني يامجرم "

فلم مكسيكي مدبلج

روزاليندا عندها من الفريد خمسة أولاد وهي حامل لسادس

قرر الاثنان بأن يتزوجا

أما ماريا فهي حامل من أخو زوجها رينالدو إلا أن زوجها لا يدري ، ولوسيانا تريد أن تتزوج من إغناسيو إلا أنها لا تعلم أن ابن عمها هو خالها .. ــ

ينتهي المسلسل بعد حوالي عشرة قرون حيث تحل جميع المشاكل في آخر خمسة دقائق من الحلقة الأخيرة .. ــ

فلم هندي

يحبها وتحبه

تغني له ربع ساعة

يغني لها ربع ساعة

فجأة كل الذين حولهم يبدأون بالرقص.. وتظهر أصوات الموسيقى لا أدري من أين وهم في الجبل

ابو البنت يغضب من بنته التي أحبت ذلك الشخص الفقير ، ثم يقوم يحبسها

يأتي حبيبها إلى نافذتها ويغني لها ربع ساعة ، تغنيله ربع ساعة

وفجأة يبدأ الحراس وأبو البنت بالرقص

تأتي صديقة البنت لتزورها في غرفتها ... وتسألها عن حبيبها

البنت تغني ربع ساعة

ورفيقتها تغني ربع ساعة

يسمع الأب ابنته وهي تغني فيرحمها ويعفو عنها

يتجه الأب لبيتحبيبها ويطلب منه يزور بنته ويوافق على زواجهم

يهرول الحبيب فرحان إلى حبيبته ويغني لها ربع ساعة

تغني له ربع ساعة

ويبدأ خدم البيت بالرقص

يعود ابن عم البنت من السعوديةتاركاً عمله هناك

في الهند لم يعجبه الوضع .. فقام بقتل حبيب الفتاة

تصيح الحبيبة وتبكي على قبر حبيبها

ثم تغني بحزن ربع ساعة ثم تموت ...

لم ينتهي الفيلم هنا

روح الحبيبة وروح الحبيب تجتمعان بشكل خيالي وتغنيان ساعة ونصف ،وحتى نهاية عهد الديناصورات ..

فلم عراقي

تطلع من بيتكم رايح للشغل تنخطف ايفاوضون عليك ميكدرون اهلك ايبلغون الشرطه لان الشرطه وياهم ،ايرهنون بيتكم وينطوهم 50 الف دولار بعد مفاوضات 10 ايام و اتكون بيها شابع بصط ،ايطلعوك العصابة

وانت بالطريق دترجع البيتكم تنفجر عليك مفخخة.